Engineering Admission 2024: यंदाच्या अभियांत्रिकी प्रवेश प्रक्रियेत, भविष्यवेधी मानल्या जाणाऱ्या एआय, डेटा सायन्स आणि मशिन लर्निंग या शाखांना मोठी मागणी आहे. एआय आणि डेटा सायन्ससाठी ६ लाख ०२ हजार ०९२ वेळा पसंती नोंदवली गेली, ज्यात ७९५४ विद्यार्थ्यांना प्रवेश मिळाला. एआय-मशिन लर्निंगसाठी एक लाख २८ हजार ७५८ वेळा पसंती नोंदवण्यात आली आणि २१६२ विद्यार्थ्यांना प्रवेश मिळाला.
महाराष्ट्रात 12वी नंतर अभियांत्रिकी प्रवेश: बीई-बीटेकसाठीची सामायिक प्रवेश प्रक्रिया सुरू असून, पहिल्या फेरीत अर्ज करणाऱ्या विद्यार्थ्यांनी सर्वाधिक पसंती कम्प्युटर संबंधित शाखांना दिली आहे. विद्यार्थ्यांनी कम्प्युटर इंजिनिअरिंगला प्राथमिक प्राधान्य दिले असून, त्यानंतर इन्फर्मेशन टेक्नॉलॉजी आणि इलेक्ट्रॉनिक्स अँड टेलिकम्युनिकेशन इंजिनिअरिंगला पसंती दिली आहे. भविष्यवेधी शाखा जसे की एआय अँड डेटा सायन्स, एआय अँड मशिन लर्निंगसाठीही चांगली मागणी आहे.
इंजिनिअरिंगच्या सामायिक प्रवेश प्रक्रियेत, प्रत्येक विद्यार्थ्याला विविध शाखांसाठी पसंती नोंदवता येते. एकाच विद्यार्थ्याने कम्प्युटर इंजिनिअरिंगसाठी विविध कॉलेजांमध्ये पसंती नोंदवली तरी प्रत्येक नोंदणी वेगळी मानली जाते. यंदा पावणेसात लाख विद्यार्थ्यांनी ९८ शाखांसाठी एकूण ७२ लाख ९१ हजार ८३२ पसंतीक्रम नोंदवले. त्यात सर्वाधिक १९ लाख २७ हजार ४८५ वेळा कम्प्युटर इंजिनिअरिंगला पसंती मिळाली आहे. कम्प्युटर इंजिनिअरिंगसाठी २२ हजार ६५८ विद्यार्थ्यांना प्रवेश मिळाला आहे.
हे देखील वाचा: Best Engineering Colleges in Maharashtra: महाराष्ट्रातील टॉप ५ इंजीनियरिंग कॉलेज
गेल्या काही वर्षांप्रमाणे, यंदाही आयटीला १३ लाख ४२ हजार ३३३ वेळा पसंती दिली गेली असून, ११ हजार ०३३ विद्यार्थ्यांना प्रवेश मिळाला. इलेक्ट्रॉनिक्स अँड टेलिकम्युनिकेशन इंजिनिअरिंगला १० लाख ५६ हजार १६० वेळा पसंती नोंदवण्यात आली आणि १४ हजार ७४७ विद्यार्थ्यांना प्रवेश मिळाला.
भविष्यवेधी मानल्या जाणाऱ्या एआय, डेटा सायन्स आणि मशिन लर्निंगसाठी विद्यार्थ्यांची मागणी लक्षणीय आहे. एआय आणि डेटा सायन्ससाठी ६ लाख ०२ हजार ०९२ वेळा पसंती नोंदवली गेली असून, ७९५४ विद्यार्थ्यांना प्रवेश मिळाला. एआय-मशिन लर्निंगसाठी एक लाख २८ हजार ७५८ वेळा पसंती नोंदवण्यात आली आणि २१६२ विद्यार्थ्यांना प्रवेश मिळाला.
मुख्य इंजिनिअरिंग शाखांमधील मागणी:
- ऑटोमोबाइल इंजिनिअरिंग: १७६२ वेळा पसंती, १६३ विद्यार्थ्यांना प्रवेश
- केमिकल इंजिनिअरिंग: ३० हजार ८१३ पर्याय, १३८८ विद्यार्थ्यांना प्रवेश
- सिव्हिल इंजिनिअरिंग: दोन लाख ०३ हजार १३३ पर्याय, ९८१४ विद्यार्थ्यांना प्रवेश
- इलेक्ट्रिकल इंजिनिअरिंग: दोन लाख २९ हजार ९४० पर्याय, ८०६० विद्यार्थ्यांना प्रवेश
- मेकॅनिकल इंजिनिअरिंग: तीन लाख ७० हजार ५७७ पर्याय, १४ हजार २६९ विद्यार्थ्यांना प्रवेश