लाडकी बहीण योजनेचे पैसे आले का नाही ते मोबाईलवरून तपासा!

Ladki Bahin Yojna: लाडकी बहीण योजनेचे पैसे तुमच्या खात्यात आले आहेत का हे तपासण्यासाठी सध्या बँकांमध्ये मोठी गर्दी पाहायला मिळत आहे. खेड्या आणि ग्रामीण भागातही पैसे तपासण्यासाठी शुल्क मागितले जात आहे. पण तुम्हाला तुमच्या मोबाईल फोनवरून सहजपणे खात्याची माहिती मिळवता येते.

जर तुमचा मोबाईल नंबर बँकेत रजिस्टर केलेला असेल, तर खालील बँकांच्या नंबरवर फक्त मिस कॉल द्या. तुम्हाला लगेचच तुमच्या नोंदणीकृत मोबाईल नंबरवर एसएमएस येईल, ज्यात तुमच्या खात्यातील शिल्लक रक्कम कळवली जाईल.

तुमच्या बँक खात्यातील शिल्लक जाणून घेण्यासाठी बँकेत जाण्याची गरज नाही. आता ग्राहकांना त्यांच्या खात्यातील शिल्लक माहिती मिळवण्यासाठी फक्त एक मिस कॉल देणे आवश्यक आहे. देशातील प्रमुख बँकांनी त्यांच्या ग्राहकांसाठी ही सुविधा उपलब्ध करून दिली आहे. खालीलप्रमाणे काही प्रमुख बँकांचे मिस कॉल नंबर दिले आहेत:

ग्राहकांनी त्यांच्या नोंदणीकृत मोबाइल नंबरवरून संबंधित बँकेच्या मिस कॉल नंबरवर कॉल करावा, आणि काही क्षणांत त्यांना एसएमएसद्वारे त्यांच्या खात्यातील शिल्लक मिळेल.

तथापि, ग्राहकांनी हे सुनिश्चित करावे की त्यांनी वापरत असलेले मिस कॉल नंबर त्यांच्या बँकेच्या अधिकृत वेबसाइटवरून किंवा ग्राहक सेवा केंद्रातून मिळवलेले असावे, अन्यथा फसवणूक होण्याची शक्यता असू शकते.

कोणतीही बँक तुम्हाला तुमचा ओटीपी (वन-टाइम पासवर्ड) तुमच्या मोबाईलवर विचारत नाही. त्यामुळे, तुमचे बँक अकाउंट, क्रेडिट कार्ड, डेबिट कार्ड यावरील नंबर किंवा आलेला ओटीपी कुणालाही सांगू नका. ओटीपी सांगितल्यास तुमच्यावर फसवणूक होऊ शकते.