मीठामुळे कर्करोग होतो – ही बातमी वाचून तुम्हाला धक्का बसला असेल, पण दररोज जे तुम्ही खात असलेले मीठही किती घातक ठरू शकते हे तुम्हाला समजेल. मीठ आपल्या आहारातील एक महत्त्वाचा घटक आहे, परंतु हा इशारा विशेषत: त्या लोकांसाठी आहे जे जास्त प्रमाणात मिठाचे सेवन करतात.
होय, जर तुम्हीही जास्त मीठ खात असाल, तर तुम्हाला सावध होण्याची आवश्यकता आहे.
गॅस्ट्रिक कॅन्सर जर्नलमध्ये नुकत्याच प्रकाशित झालेल्या एका अभ्यासात मिठाच्या हानिकारक प्रभावावर प्रकाश टाकण्यात आला आहे. या अभ्यासात युनायटेड किंगडम बायोबँकच्या ४७१,१४४ व्यक्तींच्या डेटा तपासण्यात आला आणि अन्नपदार्थांमध्ये मिठाचे प्रमाण आणि पोटाच्या कर्करोगाच्या धोका यांच्यातील संबंध अभ्यासले गेले.
हे देखील वाचा: तारुण्यात स्तनाच्या कर्करोगाचा शिकार होण्यापासून कसे वाचाल?
वर्ल्ड कॅन्सर रिसर्च फंड (WCRF) काय सांगते?
वर्ल्ड कॅन्सर रिसर्च फंडाने याआधीच मिठामुळे होणाऱ्या कर्करोगाबद्दल माहिती दिली होती. जास्त मीठ खाल्ल्यामुळे पोटाच्या कर्करोगाचा धोका ४०% वाढतो, असे त्यांनी म्हटले होते. आता या नवीन संशोधनामुळे ही बाब अधिक स्पष्ट झाली आहे. त्यामुळे सावधगिरी बाळगणे अत्यंत महत्त्वाचे झाले आहे. २०१९ मध्ये द लॅन्सेट मध्ये प्रकाशित झालेल्या एका अहवालातही असे सांगितले गेले होते की जास्त मीठ खाल्ल्यामुळे पोटाचा कर्करोग होण्याचा धोका वाढतो.
हे देखील वाचा: गुडघेदुखीपासून आराम मिळवण्यासाठी सोपे व्यायाम
लोक दररोज ८.६ ग्रॅम मीठ खातात
वर्ल्ड कॅन्सर रिसर्च फंडानुसार, लोक दररोज सरासरी ८.६ ग्रॅम मीठ खातात. यावरून हे स्पष्ट होते की लोक जास्त मीठ खात आहेत. यामुळे पोटाच्या कर्करोगाचा धोका वाढू शकतो. मात्र, जर मीठ मर्यादित प्रमाणात घेतले तर १४% म्हणजेच अंदाजे ८०० कर्करोग रुग्ण कमी होऊ शकतात, असे संस्थेने सांगितले आहे. यामुळे कर्करोगाचे प्रमाण मोठ्या प्रमाणात कमी होऊ शकते.
रोज किती मीठ खावे?
तर, प्रश्न असा आहे की आपण दररोज किती मीठ खावे? जेवणात दररोज ६ ग्रॅम मीठ आरोग्यासाठी योग्य मानले जाते. यामुळे पोटाच्या कर्करोगाचा धोका मोठ्या प्रमाणात कमी होऊ शकतो.
हे देखील वाचा: चिकन आणि मटणपेक्षा जास्त व्हिटॅमिन B12 असलेल्या या ड्राईफ्रूट्समुळे वाढवा तुमच्या शरीरातील ताकद
जेवणात मीठ कमी करण्यासाठी काही सवयी
१. जेवणात मीठ कमी घ्या.
२. मीठ वेगळे घेवून खाण्याची सवय थांबवा.
३. फास्ट फूड आणि तिखट पदार्थांमध्ये मीठ जास्त असते, त्यामुळे त्यांचे सेवन कमी करा किंवा थांबवा.
४. सोडियमयुक्त पदार्थांचे सेवन कमी करा.
५. कच्च्या भाज्या (सॅलड), फळे इत्यादींचे अधिक सेवन करा.
तुम्ही जर या सवयी लावलात तर, मीठाचे सेवन कमी करणे सोपे होईल आणि तुम्ही कर्करोगाच्या धोक्यापासून वाचू शकता.
