Top 6 films on Google Trends: ऑगस्ट २०२४ मध्ये अनेक चित्रपट प्रदर्शित झाले, आणि महिना संपत असताना गुगल ट्रेंड्सने या महिन्यात सर्वाधिक चर्चेत असलेल्या चित्रपटांची यादी जाहीर केली आहे. या चित्रपटांमध्ये कॉमेडी, हॉरर, रोमँटिक, ऐतिहासिक, अॅक्शन आणि एंटरटेनमेंट अशा विविध प्रकारांचे जॉनर आहेत. बॉक्स ऑफिस आणि स्ट्रीमिंग प्लॅटफॉर्मवर सर्वाधिक चर्चा झालेल्या या टॉप सहा ट्रेंडिंग चित्रपटांबद्दल पाहूया.
१. स्त्री २ (Stree 2)
स्त्री २: सरकटे का आतंक हा अमर कौशिक दिग्दर्शित एक विनोदी भयपट आहे. मॅडॉक फिल्म्स आणि झी स्टुडिओसने चित्रपटाची निर्मिती केली आहे. हा मॅडॉक युनिव्हर्सचा पाचवा भाग आहे आणि २०१८ मधील ‘स्त्री’चा सीक्वेल आहे. चित्रपटात श्रद्धा कपूर, राजकुमार राव, पंकज त्रिपाठी, अभिषेक बॅनर्जी, आणि अपारशक्ती खुराना यांची प्रमुख भूमिका आहे. हा चित्रपट १५ ऑगस्ट २०२४ रोजी प्रदर्शित झाला आणि प्रेक्षकांनी त्याला प्रचंड प्रतिसाद दिला. या चित्रपटाने ६०० कोटींहून अधिक कमाई केली आहे आणि २०२४ मधील सर्वाधिक कमाई करणारा बॉलीवूड चित्रपट ठरला आहे.
कथासार: पहिल्या भागात स्त्री पुरुषांचे अपहरण करायची, तर दुसऱ्या भागात सरकटा महिलांचे अपहरण करतो. गावात एका दिवशी बिट्टूच्या (अपारशक्ती खुराना) गर्लफ्रेंडला सरकटा उचलून नेतो. बिक्की (राजकुमार राव) अजूनही त्या रहस्यमयी मुलीची (श्रद्धा कपूर) वाट पाहतो. एक दिवस रुद्रला चंदेरी पुराणच्या फाटलेल्या पानांचा संदर्भ मिळतो. याच दरम्यान श्रद्धा अचानक परत येते आणि सरकटा गावातील पुरुषांच्या मदतीने महिलांच्या स्वातंत्र्यावर बंधनं आणतो. मग रुद्र, श्रद्धा, बिक्की आणि जना एकत्र येऊन सरकटाला हरवण्याचा प्रयत्न करतात.
हे देखील वाचा: Stree 2 OTT Release: ब्लॉकबस्टर ‘स्त्री २’ ओटीटीवर दाखल, कुठे पाहता येणार?
२. थंगलान (Thangalaan)
थंगलान हा २०२४ मधील तमिळ चित्रपट आहे, ज्याचे दिग्दर्शन पा रणजीतने केले आहे. विक्रमने या चित्रपटात प्रमुख भूमिका साकारली आहे. पार्वती थिरोवोथू, मालविका मोहनन, डॅनियल, पसुपती, हरी क्रिष्णन, अर्जुन अनबुदन, आणि प्रिती करण यांसारखे कलाकारही आहेत. चित्रपटाचे शूटिंग चेन्नई, आंध्र प्रदेश, मदुराई, कर्नाटका येथे झाले आहे. हा चित्रपट १५ ऑगस्ट २०२४ रोजी प्रदर्शित झाला आणि ६७ कोटींची कमाई केली आहे.
कथासार: थंगलान हा सत्य घटनांवर आधारित आहे, ज्यात आदिवासी जमाती ब्रिटिशांच्या सोन्याच्या खाणीतून सोने वाचवण्यासाठी संघर्ष करत आहेत. इंग्रजांचा अत्याचार आणि आदिवासींचे संरक्षण यावर चित्रपटात प्रकाश टाकला आहे.
हे देखील वाचा: ‘स्त्री 2’ ला मिळाले भाऊ-बहिणींचे प्रेम, 5 दिवसांत ‘फाइटर’ला मात देऊन सर्वात मोठी फिल्म होण्यास तयार
३. वेदा (Vedaa)
वेदा हा २०२४ मधील बॉलीवूड चित्रपट आहे, ज्याचे दिग्दर्शन निखिल अडवाणीने केले आहे. जॉन अब्राहम, शर्वरी, अभिषेक बॅनर्जी, आणि आशिष विद्यार्थी यांचा चित्रपटात समावेश आहे. हा चित्रपट खऱ्या घटनांवर आधारित आहे आणि १५ ऑगस्ट २०२४ रोजी प्रदर्शित झाला. चित्रपटाला संमिश्र प्रतिसाद मिळाला आणि त्याने फक्त २३ कोटींची कमाई केली.
कथासार: वेदा नावाची दलित मुलगी काश्मीरमधील दहशतवाद्याच्या पकडलेल्या मेजर अभिमन्यू कंवरला फॉलो करते. अभिमन्यूच्या पत्नीला दहशतवाद्याने मारल्याने अभिमन्यू तेथे बॉक्सिंग कोच बनतो. वेदा आणि अभिमन्यू यांचा न्याय मिळवण्यासाठी प्रवास सुरू होतो.
हे देखील वाचा: शाहीद कपूरची वेब सिरीज ‘फर्जी 2’ येत आहे? सहकलाकार भुवन अरोराने दिली अपडेट
४. खेल खेल में (Khel Khel Mein)
खेल खेल में हा बॉलीवूड चित्रपट आहे, जो २०१६ मधील इटालियन चित्रपट परफेक्ट स्ट्रेंजर्सवर आधारित आहे. मुदस्सर अझीझने चित्रपटाचे दिग्दर्शन केले आहे. अक्षय कुमार, फरदीन खान, वाणी कपूर, तापसी पन्नू, अम्मी विर्क, आदित्य सील आणि प्रज्ञा जैस्वाल यांची प्रमुख भूमिका आहे. हा चित्रपट १५ ऑगस्ट २०२४ रोजी प्रदर्शित झाला. चित्रपटाचे बजेट १०० कोटी असून, त्याने फक्त ३८ कोटींची कमाई केली आहे.
कथासार: एका लग्नात तीन विवाहित जोडपी एक गेम खेळतात. प्रत्येकाने त्यांचे फोन टेबलावर ठेवावे लागतात आणि सर्व संदेश आणि कॉल्स उघडावे लागतात. हा खेळ सुरू झाल्यावर प्रत्येकाचे गुपित उघडू लागते आणि अनेक अडचणी निर्माण होतात.
हे देखील वाचा: ‘पंचायत’ चे पुढचे दोन्ही सीझन एकत्रच शूट होणार? सीरिजबाबत महत्वाची अपडेट
५. रायन (Raayan)
रायन हा धनुषने दिग्दर्शित केलेला दुसरा तमिळ चित्रपट आहे. कलानिती मारन आणि सन पिक्चर्सने याची निर्मिती केली आहे. चित्रपटात धनुष, दुशरा विजयन, एस.जे. सूर्या, आणि सेल्वाराघवन यांची भूमिका आहे. हा चित्रपट २६ जुलै २०२४ रोजी प्रदर्शित झाला आणि १५० कोटींहून अधिक कमाई केली आहे.
कथासार: रायन चार भावंडांपैकी मोठा असतो आणि त्याला आपल्या बहिणीवर खूप प्रेम असते. आई-वडील भावंडांची जबाबदारी त्याच्यावर सोपवून निघून जातात. त्यानंतर तो चेन्नईला येतो आणि फास्ट-फूड हॉटेलचा मालक बनतो. त्याचे भाऊ आणि बहिणीच्या जीवनात काही संघर्ष असतात आणि एक गँगस्टरच्या मुलासोबतच्या संघर्षामुळे त्यांचे जीवन अस्ताव्यस्त होऊन जाते.
हे देखील वाचा: ‘मिर्झापूर ३’ मध्ये मुन्ना त्रिपाठीची पुन्हा एन्ट्री, या दिवशी रिलीज होणार खास बोनस एपिसोड
६. लैला मजनू (Laila Majnu)
लैला मजनू हा २०१८ मधील रोमँटिक बॉलीवूड चित्रपट आहे, ज्यात अविनाश तिवारी आणि तृप्ती डिमरी यांची मुख्य भूमिका आहे. साजिद अलीने चित्रपटाचे दिग्दर्शन केले आहे आणि एकता कपूर, शोभा कपूर, आणि प्रीती अली यांनी चित्रपटाची सह-निर्मिती केली आहे. चित्रपटाची कथा आधुनिक लैला-मजनूच्या प्रेमकथेवर आधारित आहे. हा चित्रपट ७ सप्टेंबर २०१८ रोजी प्रदर्शित झाला होता आणि बॉक्स ऑफिसवर अपयशी ठरला होता. मात्र, ९ ऑगस्ट २०२४ रोजी पुन्हा काही शहरांत प्रदर्शित केला गेला आणि त्याला प्रेक्षकांचा चांगला प्रतिसाद मिळाला.
कथासार: एका प्रतिष्ठित कुटुंबातील मुलगी लैला कैस भट्टच्या प्रेमात पडते. कुटुंबातील वादामुळे ती कैससोबत पळून जाण्याऐवजी इब्बानशी लग्न करण्यास भाग पाडली जाते. कैस परत येतो, पण लैला तिच्या पतीसोबत खुश नसते. पतीच्या अपघाती मृत्यूनंतर, लैला पुन्हा कैसकडे जाण्याचा निर्णय घेतो, पण त्या दरम्यान कैस भावनिकरित्या उद्ध्वस्त झालेला असतो. अंतिमतः दोघांच्या आत्मा एकत्र असलेले दृश्य दाखवून चित्रपट संपतो.
