शरीरात विषारी पदार्थ जमा झाल्यास दिसतात ‘ही’ लक्षणं, बाहेर कसे काढाल हे जाणून घ्या!

How To Detox Body: खाण्या-पिण्याच्या चुकीच्या सवयी, वाईट लाइफस्टाईल, आणि प्रदूषणामुळे शरीरात विषारी पदार्थ जमा होऊ शकतात. हे विषारी पदार्थ जमा झाल्यावर आरोग्य समस्यांची एक ना एक लक्षणे वेळोवेळी दिसतात. परंतु, अनेक लोक याकडे सामान्य समस्येसमान मानतात आणि दुर्लक्ष करतात. अनेकांना शरीरातील विषारी पदार्थ बाहेर काढायचे कसे हे माहीत नसते. चला, हेच आम्ही आज सांगणार आहोत.

हे देखील वाचा: Y गुणसूत्र लुप्त होईल का? फक्त मुलींचाच जन्म होईल का? नवीन संशोधनातील निष्कर्ष

जसप्रकारे आपण शरीराच्या बाहेरच्या स्वच्छतेची काळजी घेतो, तसाच आतून शरीराची सफाईही महत्वाची असते. या प्रक्रियेला बॉडी डिटॉक्स असे म्हणतात. शरीर स्वच्छतेसाठी स्वत: सक्षम असले तरी, विषारी पदार्थ वाढल्यास काही उपाय करणे आवश्यक आहे. खालील चार ड्रिंक्स तुमच्या मदतीला येऊ शकतात.

हे देखील वाचा: सिल्की आणि स्मूथ केस हवे आहेत का? केसांची काळजी घेण्याच्या 10 कोरियन टिप्स

शरीरात विषारी पदार्थ जमा झाल्याची लक्षणं

1. थकवा आणि कमजोरी: सतत थकवा जाणवणे आणि छोट्या कामांमध्येही भरपूर घाम येणे हे शरीरात विषारी पदार्थ जमा झाल्याचे संकेत असू शकतात.

2. त्वचेसंबंधी समस्या: त्वचेवर पुरळ, पिंपल्स, किंवा अन्य त्वचेसंबंधी समस्या यांमुळे शरीरात विषारी पदार्थ जमा झाल्याची शक्यता असते. शरीर त्वचेसह विषारी पदार्थ बाहेर काढण्याचा प्रयत्न करते.

3. पचनासंबंधी समस्या: पोटात सूज, बद्धकोष्ठता, किंवा अपचन यांसारख्या समस्या देखील विषारी पदार्थ जमा झाल्याचे संकेत देतात.

4. मूड स्विंग्स आणि मानसिक थकवा: लवकर चिडणे किंवा तणाव जाणवणे हे देखील शरीरात विषारी पदार्थ वाढल्याचे लक्षण असू शकते.

5. झोपेची समस्या: झोप न येणे फक्त तणावामुळेच होत नाही, तर शरीरात विषारी पदार्थ जमा झाल्यामुळेही झोपेची अडचण येऊ शकते.

हे देखील वाचा: Ban On Medicines: पॅरासिटामॉलसह 156 धोकादायक ‘मेडिसिन’वर निर्बंध; तुमच्या वापरातील औषधे यामध्ये आहे का?

बॉडी डिटॉक्ससाठी विशेष ड्रिंक्स

1. लिंबू पाणी: लिंबू पाण्यामुळे शरीरातील विषारी पदार्थ बाहेर निघण्यास मदत होते. यातील व्हिटॅमिन सी शरीराची रोगप्रतिकारक शक्ती वाढवतो, ज्यामुळे डिटॉक्सिफिकेशन प्रक्रिया मजबूत होते.

2. आलं आणि मधाचा चहा: आल्यामध्ये अ‍ॅंटी-इन्फ्लेमेटरी गुणधर्म असतात जे शरीराला डिटॉक्सिफाय करण्यात मदत करतात, तर मध याला आणखी प्रभावी बनवतो. या चहामध्ये चहा पावडर आणि दूध टाकायचे नसते.

3. पदीना आणि लिंबाचा ज्यूस: पदीन्यामुळे पचन सुधारते आणि लिंबासोबत सेवन केल्याने शरीरातील विषारी पदार्थ बाहेर निघण्यास मदत मिळते. हा ज्यूस त्वचेवरही तजेलदारपणा आणतो.

4. सेलेरी ज्यूस: सेलेरी ज्यूसमध्ये भरपूर पाणी आणि फायबर्स असतात, जे शरीराच्या सफाई प्रक्रियेला उत्तम प्रकारे मदत करतात. यामुळे शरीर हायड्रेट राहण्यासही फायदा होतो.